Italia ngriti Kupën e Euro 2020 mbrëmjen e djeshme, pasi mundi Anglinë me penallti pas një ndeshjeje shumë të gjatë. Pas barazimit 1-1 në 120 minuta, heroi këtë herë ishte sërish Donnarumma, që priti tre penallti.
Ndeshja nisi me golin e anglezëve nga ylli i Manchester United, Luke Shaw i cili gjeti portën italiane në minutën e 2-të. Ai theu rekordin si rrjeta më e shpejtë e finaleve të Europianit.
Ky gol lumturoi të gjithë tifozët anglezë, por vëmendjen e tërhoqi reagimi i princit George, i cili shoqërohej nga 2 prindërit e tij, princesha Kate dhe princi William.
George përqafoi Kate për të festuar golin duke u hedhur nga gëzimi i madh.
Fotot e tij u bënë virale në rrjetet sociale dhe fansat e kanë pëlqyer shumë.
“E di që Anglia sapo shënoi, por reagimi i Princit George ishte më i bukuri!” shkruante një fans në Twitter.
Në minutën e 67 barazimin e solli Leonardo Bonucci. Ai u bë njëkohësisht edhe shënuesi më i jetër i historisë në finalet e Europianëve. Rezultati u ruajt deri në fund të shtesave duke çuar finalen e Euro 2020 me penallti.
/Priza.al/
