Kompania “Facebook” rrjeti më i madh social në botë, ka ndryshuar befas emrin.
Platforma më e madhe e rrjeteve sociale në botë tashmë do të quhet ‘Meta’, si pjesë e një riorganizimi të madh të kompanisë.
Një vendim i tillë u njoftua gjatë konferencës vjetore të Facebook nga Mark Zuckerberg, i cili tha se, kompania do të përfshinte më mirë atë që firma bën.
Shefi i gjigandit të teknologjisë tha se ndryshimi do të bashkonte aplikacionet dhe teknologjitë e tij të ndryshme nën një markë të re.
Emri i ri ‘Meta-verse’, i referohet gjerësisht idesë së një mjedisi virtual të përbashkët, i cili mund të aksesohet nga njerëz që përdorin pajisje të ndryshme komunikimi.
Gjithashtu, kompania zbuloi edhe logon e re në selinë e saj në Menlo Park, Kaliforni, duke zëvendësuar logon ‘Like’ me gishtin lart me një fjongo blu (simbol i infinit).
Ndryshimi i emrit vjen pas një serie historish negative për Facebook, bazuar në dokumentet e zbuluara nga një ish-punonjës.
Frances Haugen, ka akuzuar kompaninë për vendosjen e “fitimeve mbi sigurinë”.
Në vitin 2015, Google ristrukturoi kompaninë e saj, duke e quajtur firmën e saj mëmë ‘Alphabet’, megjithatë, emri nuk ka arritur të ndryshohet.
Këtë gjë duket se po bën edhe Zucku me kompaninë e tij, por që ende nuk dihet se si do të pritet nga miliona përdorues në mbarë botën.
/Priza.al/
