Kandidati për kryetar i Partisë Demokratike, Fatbardh Kadilli i ftuar në emisionin “Open”, tha se nëse PD mbetet në dorën e Bashës do të shkojë gjithmonë e më shumë në rënie.
Ai u shpreh se zgjedhjet janë shansi i vetëm për të shpëtuar PD nga degradimi.
“Nuk parashikoj të ardhme të mirë nëse e mban Basha drejtimin e partisë, madje e shoh në një spirale zbritëse PD. Nuk besoj se me një lider që e ka provuar veten 8 vite rresht dhe nuk arriti fitore, s’besoj të ketë legjitimitet dhe të ngjisë partinë. Ky manifest është shansi i vetëm për të shpëtuar PD nga degradimi”, tha Kadilli.
/Burimi: TCH/Priza.al/
