Këngëtarja Filloreta Raçi ka deklaruar edhe një herë se me Adis Patushin ka gjetur dashurinë e vërtetë.
Fifi siç e njohim të gjithë pohon se nëse do t’i jepej mundësia, do ta këshillonte veten që të mos krijonte lidhje me asnjë person, deri në moshën 27 vjeçare, pasi vetëm atëherë do takonte Adisin.
“Nëse do kisha mundësi që ti thoja diçka Fifit 14 vjeçare do të kishte qënë, Fifi kur ti bësh 27-vjet, me 9 dhjetor ke me taku një mashkull që ka me të bo femrën më të lumtur në botë. Prit deri atëherë dhe mos u lidh me askënd e mos ja jep mundësinë as me të fol e as me të kqyr. I kisha thënë prit deri me 9 dhjetor 2021 se do vijë Adis Patushi në jetën tëndë”, tha ajo.
