Milan ngriti lart Scudetton, një triumf shumë i rëndësishëm për të gjithë kuqezinjtë të cilët kanë pritur 11 vite për të parë skuadrën e tyre kampion në Seria A.
Edhe në vendin tonë kjo ndeshje është ndjekur me interes, pasi të gjithë tifozët kuqezi u mblodhën në sheshin “Skënderbej”, duke festuar së bashku për fitimin e trofeut.
Milan mori me meritë titullin kampion në Serie A. Kuqezinjtë luftuan deri në ndeshjen e fundit të kampionatit me kushurinjtë zikaltër dhe në fund, 86 pikët e grumbulluara bënë që në anën e kuqe të Milanos të shpërthente festa.
Ky titull është i 19-ti për ta. Tifozët e “Djallit” nuk kanë duruar dhe kanë zbritur menjëherë në fushë për të festuar bashkë me lojtarët.
