Flamuri i Bashkimit Evropian i është bashkangjitur atij kombëtar në të gjitha institucionet publike, më mjediset e jashtme dhe të brendshme.
Vendimi është marrë nga Këshilli i Ministrave ku është publikuar dje në Fletoren Zyrtare, me propozim të ministres së Jashtme Olta Xhaçka.
Vendimi i plotë:
PËR DISA SHTESA NË LIGJIN NR. 8926, DATË 22.7.2002, “PËR FORMËN DHE
PËRMASAT E FLAMURIT KOMBËTAR, PËRMBAJTJEN E HIMNIT KOMBËTAR,
FORMËN DHE PËRMASAT E STEMËS SË REPUBLIKËS TË SHQIPËRISË DHE
MËNYRËN E PËRDORIMIT TË TYRE”
Në mbështetje të nenit 101 të Kushtetutës, me propozimin e ministrit për Evropën dhe Punët e Jashtme, Këshilli i Ministrave.
Në nenin 4, të ligjit nr. 8926, datë 22.7.2002, “Për formën dhe përmasat e flamurit kombëtar, përmbajtjen e himnit kombëtar, formën dhe përmasat e stemës së Republikës të Shqipërisë dhe mënyrën e përdorimit të tyre”, bëhen këto shtesa:
“Përjashtim nga ndalimi i ngritjes dhe vendosjes së flamujve të huaj, sipas kësaj pike, përbën flamuri i Bashkimit Evropian, i cili vendoset përkrah flamurit kombëtar në të gjitha institucionet publike, në mjediset e tyre të brendshme dhe të jashtme.”.
“… si dhe mënyra e përdorimit dhe përmasat e flamurit të Bashkimit Evropian …”.
Ky akt normativ hyn në fuqi menjëherë dhe botohet në Fletoren Zyrtare.
