Sergio Perez ka dominuar në “Sprint Race” dhe ka fituar garën e parë të javës në Çmimin e Madh të Azerbajxhanit. Piloti meksikan i Red Bull la pas vetes Charles Leclerc me Ferrari që e nisi nga “Pole Position” këtë Sprint Race. Në shkallën më të ulët të podiumit u vendos kampioni i botës në fuqi Max Verstappen.
Vendi i katërt ishte për George Russell me Mercedes, ndërsa top 5 mbyllet nga piloti i Ferrarit Carlos Sainz.
Në këtë Sprint Race vendi i parë fiton 8 pikë dhe deri në vendin e tetë pikët zbresin me nga një. Në vend të gjashtë e mbylli Fernando Alonso, ndërsa Lewis Hamilton dhe Lance Stroll siguruan respektivisht vendin e shtatë dhe të tetë.
🏁 SPRINT CLASSIFICATION 🏁
Sergio Perez takes victory in the Baku Sprint 🏆#AzerbaijanGP #F1Sprint pic.twitter.com/tdeXX74q9H
— Formula 1 (@F1) April 29, 2023
