Modelja Irina Shayk dhe këngëtari Kaney West janë fotografuar së bashku në Provenca, Francë, ku duket se kanë kaluar disa ditë të zjarrta për të festuar ditëlindjen e Reperit. Gjatë kthimit në New York ishin paparacët të cilët po prisnin disa pamje të çiftit të ri dhe vetëm kanë arritur t’i fiksojnë së bashku.
Kanye dhe Irina njihen prej kohësh, por prej disa javësh reperi ka filluar të rri më gjatë me modelen. Sipas disa burimeve të Daily Mail të dy kanë kaluar tre ditë në një resort në Provenza, me rastin e 44 vjetorit të ditëlindjes së West, por përpara ishin parë disa herë në New York së bashku. Sipas burimeve, ai duket se ka rënë kokë e këmbë në dashuri.
Rikujtojmë se Kanye West ka qenë i martuar me Kim Kardashian. Ata kanë dy vajza; North dhe Chicago, përkatësisht shtatë dhe tre vjeç dhe dy djem; Saint, pesë dhe Psalm. Ata janë ndër yjet më të njohur në botë dhe të dy janë jashtëzakonisht të suksesshëm. Martesa e tyre ishte një nga më të ndjekurat në dekadat e fundit.
Gjithashtu edhe Irina Shayk ka qenë e lidhur me futbollistin e njohur Cristiano Ronaldo, dhe më pas u dashurua me aktorin Bradley Cooper.
/Priza.al/
