Një rekord i ri u arrit në Poloni me Deep Spot: pishina më e thellë në botë. Pishina polake është 45 metra e thellë dhe Spot ndodhet në qytetin Mszczonow, afërsisht 47 kilometra në jugperëndim të Varshavës. Një pishinë që përmban 8 mijë metra kub ujë, ekuivalente me 27 pishina me gjatësi 25 metra.
Por brendësia e saj është gjithashtu intriguese. Në fakt brenda thellësisë së pishinës do të ndërtohen shpella, shkëmbinj dhe një version në miniaturë të ‘Vrimës së Madhe blu’, gropës detare që ndodhet në lindje të bregdetit të Belize, 123 metra e thellë.
Drejtori i objektit shpjegoi se pishina do të përdoret nga zjarrfikësit dhe zhytësit ushtarakë gjatë trajnimit të tyre. Do të ketë gjithashtu një tunel transparent për vizitorët, që nuk duan të zhyten.
Pishina e Deep Spot është e hapur për publikun, dhe mirëpret entuziastët e zhytjeve të të gjitha niveleve të përvojës. Në faqen zyrtare, është e mundur të rezervoni zhytjen tuaj. Në fakt, thjesht zgjidhni nivelin e përvojës dhe zgjidhni paketën e dëshiruar. Mosha minimale për të hyrë në pishinë është 10 vjeç, duke marrë pjesë në kurse zhytjeje me instruktorë.
Programi ‘First Dive Scuba Diving’ është krijuar posaçërisht për njerëzit që nuk janë zhytur kurrë më parë, dhe janë kureshtarë të jetojnë këtë përvojë të jashtëzakonshme. Mësimi zgjat një orë e gjysëm me një instruktor të kualifikuar dhe me përvojë. Këtu do të mësoni thelbin e zhytjes me pajisjet të cilësisë më të mirë. Mësimet ndahen në dy pjesë: teorike dhe praktike. Pastaj do të mësoni teknikat për praktikimin e sportit dhe bazat e zhytjes. Gjatë pjesës praktike, instruktori do të zhvillojë nën ujë në një thellësi maksimale prej 5 metrash.
Sidoqoftë, rekordi i pishinës polake do të jetë i përkohshëm dhe do të zbresi në vendin e dytë, sepse tashmë është planifikuar hapja e një pishine të re, madje edhe më të thellë, Abyss Blue. Pishina do të hapet në Mbretërinë e Bashkuar dhe me një rekord të ri, ku thellësia do të prekë 50 metra dhe do të përdoret gjithashtu për trajnimin e astronautëve.
Burimi i lajmit: DailyMail. Përshtati: Priza.al
