Lou Ottens, shpikësi hollandez që krijoi kasetën e parë, ka humbur jetën në moshën 94 vjeçare. Inxhinieri vdiq në qytetin e tij të lindjes Duizel, fundjavën e kaluar. Nuk bëhet i ditur shkaku i vdekjes. Z. Ottens krijoi shiritin e parë të kasetës në vitin 1963, dhe që nga atëherë, rreth 100 miliardë kaseta janë shitur në të gjithë botën.
Shpikja e tij revolucionarizoi mënyrën se si njerëzit dëgjonin muzikë. Duke folur në një intervistë në vitin 2013 me revistën ‘Time’ për të shënuar 50 vjetorin e krijimit të kasetës, ai tha se ajo ishte një ‘sensacion’ që nga momenti kur u zbulua.
Ekipi i inxhinierëve të Ottens kishte për detyrë të shndërronte regjistruesit në paisje më të vogla e më praktike për konsumatorin. Rezultati përfundimtar ishte kaseta. Ylli i filmit italian Ornella Muti, shfaqet në foto me disa kaseta, shpikjen më të re në atë kohë.
Ottens arriti në një marrëveshje me ‘Philips’ dhe ‘Sony’ që i dhanë patentën shpikjes së kasetave. Sony nxori në treg ‘Walkman’, kasetofoni më i zhvilluar i cili ‘pushtoi’ botën sa hap e mbyll sytë. Z.Ottens e quajti atë “aplikacioni ideal” për shpikjen e tij. Përshtati:Priza.al/Burimi:DailyMail
