Arkeologët kanë zbuluar një arenë romake në Turqi që mendohet se ka qenë njësoj si koloseu i Romës dhe organizonte luftime të gladiatorëve për rreth 20.000 spektatorë. Ai u zbulua në qytetin antik në provincën Aydin. Arena u varros pjesërisht dhe u fsheh nga bimësia. Mbetjet e tij janë ruajtur mirë dhe ai ka një formë të rrumbullakët. Koloseu i Romës mendohet të jetë më i madh dhe mbante 50,000-80,000 spektatorë në total. Arkeologu Sedat Akkurnaz i universitetit Adnan Menderes tha se zbulimi është shumë i veçantë .
“Nuk ka asnjë shembull të mëparshëm të një amfiteatri të tillë në Anadoll dhe përreth tij. Është shembulli i vetëm që ka mbijetuar në këtë mënyrë shumë solide. Ndërtesa nuk dukej për shkak të shkurreve dhe pemëve të egra. Pjesa më e madhe e amfiteatrit është nën tokë. Seksionet nën tokë janë ruajtur shumë mirë. Teknikat e ndërtimit të harkuar të arkitekturës romake duken mire”, tha ai.
Studiuesit besojnë se ndërtesa daton që nga viti 200 pas Krishtit, gjatë sundimit të dinastisë Severan në perandorinë romake. Teknikat e gurit dhe të ndërtimit të mureve të ndërtesës janë nga e njëjta kohë me dinastinë Severus.
Në javët e ardhshme, me mbështetjen e qeverisë lokale Nazilli, do të fillojë puna për të mbrojtur pjesët më të rrezikuara të koloseumit.
“Ka të çara në muret e ndërtesës dhe disa gurë po bien. Në prill, ne do të ruajmë muret e ndërtesës, duke mbrojtur ndërtesën nga prishja dhe përkeqësimi. Pas majit, ne do të fillojmë sondazhet gjeofizike të ndërtesës. Duam të kuptojmë se si janë pjesët nëntokësore të saj”, tha Dr Akkurnaz.
Përshtati:Priza.al/Burimi:DailyMail
