Sot mbushen 31 vjet nga Masakra e 2 prillit 1991 në qytetin e Shkodrës, ku u vranë 4 dëshmorë të Demokracisë.
Gjatë protestës masive, manifestuesit dogjën zyrat e Komitetit Qendror të PPSH-së në qytetin verior.
Në këto foto, tregohet me detaje se si protestuesit treguan vendosmëri për të mësyrë në godinën e Komitetit Qendror, duke shënuar një nga revoltat më të mëdha pas viteve ’90.
Kjo ngjarje konsiderohet dhe si masakra e fundit e komunizmit në Shqipëri, ku mes turmës që protestonte u vranë me snajperë nga forcat e sigurimit, Bujar Bishanaku, Arben Broci, Nazmi Kryeziu dhe Besnik Ceka.
