Një modele fitnesi turke që jeton në SHBA është ndaluar të hipte në një fluturim për në Teksas, pasi stafi e konsideroi veshjen e saj si shumë të papërshtatshme.
26-vjeçarja Deniz Saypinar, mbeti në Aeroportin Ndërkombëtar të Dallasit, “Fort Worth” në shtetin amerikan të Teksasit.
E indinjuar nga rasti, Saypinar ndau me një milion ndjekësit e saj në Instagram këtë histori:
“Ju kurrë nuk do ta besoni atë që më ndodhi në Aeroportin e Teksasit. Më pëlqen të vesh rroba femërore që zbulojnë linjat e mia, por kurrë nuk vishem në një mënyrë që të ofendoj ndokënd. Unë jam mjaft e pjekur dhe e civilizuar për të ditur se çfarë mund dhe çfarë nuk mund të vesh”,- u tha ajo fansave.
Saypinar është një modele e famshme fitnesi dhe sipërmarrëse. Ajo ka punuar si trainere personal për shtatë vjet dhe është qytetarja e parë jo amerikane, që ka fituar Konkursin Kombëtar të Fitnesit të Bikinit në 2021.
/Priza.al/
