Këtë vit disa rrugë turistike janë në punim e sipër në Shqipëri për t’u mbyllur me gjasë brenda kësaj vere, duke i dhënë impakt zhvillimit të turizmit në disa zona.
Pas By-Passit të Vlorës, Kryeministri Edi Rama ka publikuar pamje të një tjetër aksi që të çon në një tjetër destinacion turistik, në veri të vendit, në Theth.
Rruga aty ende nuk ka përfunduar plotësisht, por një pjese të saj tashmë po i vendoset shtresa e asfaltit, duke bërë që ky destinacion të përshkohet më shpejt.
Kryeministri shkruan në një status në rrjetin social Facebook se, rruga Qaf Thorë- Theth, pritet të rrisë aksesin dhe sigurinë për turistët që i afrohen luginës së Thethit.
Ai shton se, puna do të vijojë pa u ndalur për akset që të çojnë në destinacione turistike nga Veriu në Jug.
/Priza.al/
