Fotografitë mahnitëse me dron tregojnë një qytet me shumë ngjyra në Ukrainë, të cilin e kanë krahasuar me një qytet Lego të jetës reale. Arkitektët të cilët dizenjuan qytetin Comfort, të gjendur në kryeqytetin ukrainas të Kievit, kishin lyer secilin prej blloqeve të apartamenteve me ngjyra të ndryshme pastel, duke krijuar një qytet shumëngjyrësh.
Sipas Architecture Digest, projektuesve Dmytro Vasyliev, Aleksandr Popov, Olga Alfiorova në firmën e Evropës Lindore Archimatika iu dha mundësia për ta transformuar zonën në një vend idilik për të jetuar.
Në shkurt të vitit 2020, u raportua se apartamentet në qytet po shiteshin shpejt me një normë prej 200 shtëpish në muaj – duke e bërë atë pronën më të suksesshme rezidenciale dhe komerciale në vend në atë kohë.
Në total, ajo ka mbi 8,500 apartamente. Sfida për firmën ishte të krijonte një qytet që do të reklamonte veten duke qenë i thjeshtë. Ata zgjodhën të përdornin disa seksione të standardizuara të cilat i përsëritën 150 herë për të krijuar rrethin, duke ruajtur ende hapësirat e gjelbra përreth blloqeve.
Pavarësisht produktit përfundimtar mbresëlënës, arkitektëve iu dha një buxhet i kufizuar, gjë që i shtyu ata të përdornin forma të thjeshta gjeometrike dhe fasada të sheshta në planifikimin e qytetit, ndërsa zgjodhën të mos përdornin ballkone dhe veçori të tjera të dizajnit dekorativ dhe në vend të kësaj të përdornin ballkone të stilit francez të Zhulietës.
Burimi:DailyMail/Përshtati:Priza.al/
