KUJDES! FOTO TË RËNDA +16!
Në shtete të cilat kanë mbetur autokratike apo nën drejtimin e juntave ushtarake ose të ndikuara nga ligjet islame, edhe sjellja dhe dënimet janë krejt ndryshe nga vendet Perëndimore. Tre të dënuar u ekzekutuan sot publikisht në kryeqytetin e Jemenit, Sana, pas shpalljes fajtor për vrasje të fëmijëve, një lajm i cili ka bërë sot xhiron e të gjitha mediave botërore.
40-vjeçari Ali al-Naami, 38-vjeçari Abdullah Al-Makhali, e 33-vjeçari Mohammed Arman, të veshur me kominoshet blu të të burgosurve, u shoqëruan në sheshin Tahrir në kryeqytetin Sana, ku pasi u shtrinë në asfalt morën pas koke plumbin e kallashnikovit.
Ekzekutuesit me rroba ushtarake e doreza të zeza, kryen detyrën ndaj të burgosurve e më pas mbështollën trupat e tyre me mbështjella të kuqe e i larguan.
Në një prej imazheve disa nga rojet shiheshin duke qeshur teksa ekzekutuesi vendoste grykën e automatikut “AK-47” në kurriz, ose prapa kokës së të burgosurve, para qindra spektatorëve që ishin mbledhur.
Këto ishin ekzekutimet e para publike në Sana, që prej gushtit 2018, kur qeveria e militantëve anti-sauditë, vari me vinça autorët e përdhunimit dhe vrasjes së një fëmije, transmetonte “Daily Mail”.
Jemeni i varfëruar, është përfshirë në luftë civile dhe krizë humanitare prej vitit 2014, kur rebelët Houthi të mbështetur nga Irani, morën kontrollin e kryeqytetit dhe veriut, duke larguar qeverinë e mbështetur nga Arabia Saudite.
Grupet e mbështetura nga Irani, janë përgjegjëse për përpjekjet anti-krim në veri të vendit, ku dënimet janë shpeshherë të ashpra prej pamundësisë së kontrollit të rendit prej konfliktit.
Të ekzekutuarit e sotëm, ishin fajtorë për krime shumë të rënda. Abdullah Ali al-Mukhali e Mohammed Arman, u dënuan për përdhunimin dhe vrasjen e një djali 8-vjeçar.
Ndërsa Al-Naami, u dënua për vrasjen e tre bijave të tij Rahaf, 7 vjeçe, Raghad, 12, dhe Malak, 14 vjeçe, në qershor 2019.
Ai kishte pranuar se kishte mbytur vajzat e tij në rezervuarin e ujit, pasi nëna e tyre u largua nga shtëpia prej konflikteve me të. Spektatorët shiheshin që filmonin ekzekutimet në celularët e tyre.
/Burimi: Daily Mali/Përshtati: Priza.al/
