Një sasi e konsiderueshme tritoli ka shpërthyer këtë të premte në fshatin Grudë e Re në Shkodër. Mësohet se tritol i vendosur në një lokal, i përket efektivit të Policisë së Shkodrës, Ndrek Rrasa.
Lidhur me ngjarjen, vetë efektivi i policisë ka deklaruar se nuk ka konflikte me persona të tjerë dhe se nuk e ka idenë se kush mund t’ia ketë vënë tritolin dhe se kush e ka djegur furgonin e tij.
Njoftimi i Policisë:
Informacion Paraprak/ Rreth orës 02:20, në fshatin Grudë e re, Shkodër, ka shpërthyer lëndë plasëse në derën e lokalit të shtetasit N. Rr. 46 vjeç , banues në fshatin Grudë e re, me detyrë punonjës policie pranë Komisariatit të Policisë Shkodër. Për pasojë ka vetëm dëme materiale në lokal si dhe është dëmtuar edhe mjeti i tij autobus, i parkuar para lokalit. Grupi hetimor nën drejtimin e Prokurorisë së Rrethit Gjyqësor Shkodër, po punon për zbardhjen dhe sqarimin e plotë të kësaj ngjarje.
