Përveç Njësive Speciale të Policisë së Kosovës dhe xhandarmërisë serbe, në pikat kufitare në Veri të shtetit të vendit po qëndrojnë edhe pjesëtarë të KFOR-it, të cilët kanë marrë urdhër patrullimi dhe vrojtimi të situatës.
Nga toka dhe ajri KFOR me ushtarët dhe mjetet e tij ka monitoruar prej ditësh situatën, me qëllim parandalimin e përshkallëzimit të saj.
Por as ushtarët e KFOR-it nuk u kanë shpëtuar dot provokimeve dhe ngacmimeve nga popullsia serbe e këtyre zonave, e cila i konsideron këta si aleatë të kosovarëve dhe të qeverisë së Prishtinës.
Një patrullë e KFOR-it u bë sot protagoniste e një provokimi por jo më nga banorë serb të Veriut të Kosovës, por nga një trupë televizive serbe që ka ardhur të raportojë nga terreni mbi situatën.
Por pyetjes së gazetarit serb se: “Zoterinj, a e dini se jeni në territor serb këtu…?”, ushtari i KFOR-it duket se i është përgjigjur në një mënyrë “origjinale”, duke i ngritur gishtin.
Nga sa mësohet, ka qenë pikërisht një prej pjesëtarëve të kontingjentit hungarez të KFOR-it, që i ka treguar gishtin e mesit gazetarëve serbë në Leposaviq, pas pyetjes provokative të këtij të fundit.
“Hej, zotërinj… Çfarë bëni ju këtu?! …A e dini se kjo është tokë serbe??”,- ishte thumbimi i gazetarit të trupës serbe, që me sa duket mori menjëherë përgjigjen e duhur.
Mediat serbe këtë gjest të ushtarit e morën si tregues të qëndrimit të KFOR-it ndaj serbëve dhe për krijimin e ushtrisë̈ së Kosovës. Situata sot në Veri të Kosovës u tensionua, pasi serbët dogjën Qendrën e Regjistrimit të Automjeteve në Zubin Potok.
/Priza.al/
