Prej ditës së djeshme vendi ynë është përfshirë nga situata meteorologjike e paqëndrueshme.
Sipas ARRSH situata në zonën e Juglindjes, në aksin rrugor Korçë-Voskopojë reshjet e dëborës kanë vazhduar me intensitet mesatar ndërsa temperaturat kanë qenë afër 1 gradë Celsius.
“Në Korçë-Voskopojë vazhdojnë reshjet e dëborës me intensitet mesatar. Po punohet pa ndërprerje me mjetet borëpastruese për pastrimin e dëborës dhe shpërndarjen e kripës për të evituar ngricat gjatë natës. Temperatura shënon 1°C.
Rruga është e hapur për qarkullimin e mjeteve. Drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore”, njofton ARRSH.
