Një vullkan nënujor në Oqeanin Paqësor ka shpërthyer ditën e sotme, ku sipas mediave të huaja, ky është një nga shpërthimet më të mëdhenj të këtij vullkani.
Një paralajmërim për cunami është lëshuar në ishujt e Tongës, pasi vullkani nënujor në Paqësorin Jugor shpërtheu vrullshëm të shtunën, duke dërguar një re hiri dhe avulli gazi në ajër.
Vullkani “Hunga-Tonga-Hunga-Ha’apai” shpërtheu për herë të parë të premten, duke dërguar një pendë hiri 20 kilometra (12.4 milje) në ajër, sipas degës së CNN Radio Zelanda e Re (RNZ).
Një shpërthim i dytë goditi të shtunën, raportoi “RNZ”.
Imazhi satelitor tregon një re masive hiri dhe valë goditëse që përhapen nga shpërthimi. Valët nga shpërthimi kaluan vijën bregdetare të kryeqytetit të Tongës, Nuku’alofa, duke rrjedhur në rrugët bregdetare dhe prona, sipas “RNZ”.
Sipas Qendrës për Paralajmërime për Cunami në Shtetet e Bashkuara, procesi i shpërthimit të vullkanit “Hunga-Tonga-Hunga-Ha’apai” ka nisur nga e premtja.
Shërbimi Meteorologjik i Tongës gjithashtu lëshoi udhëzime për reshje të dendura, vërshime dhe erë të fuqishme në territorin tokësor dhe në ujërat bregdetare.
Ndërkohë në Zelandën e Re, shërbimi zyrtar i motit tha se, stacionet për vëzhgimin e motit kanë vërejtur rritje të shtypjes atmosferike të shtunën në mbrëmje, nga shkaku i shpërthimit të vullkanit.
/Burimi: Daily Mail/Përshtati: Priza.al/
