Barka e tij u fundos në ujëra plot me peshkaqenë, ndërkohë ai po jepte sinjalin SOS Live në celular. Kjo i ndodhi një zhytësi të tmerruar që mbeti i bllokuar në ujërat e thella për më shumë se tre orë, pasi varka e tij u përmbys.
Sipas mediave të huaja, Cody Love, 24 vjeç, kishte ankoruar anijen në Great Barrier Reef në bregdetin e Queensland, për atë që ai shpresonte se do të ishte një udhëtim gjysmë ditor zhytjeje.
Por fatkeqësia goditi vetëm 20 minuta nga udhëtimi kur anija e tij u përmbys, duke e lënë të mbërthyer në ujë.
Love ishte zhytur me shokë në të njëjtin vend ku anija ishte përmbysur në disa raste dhe kishte parë gjashtë peshkaqenë të gjatë katër metra.
“Këtu kishim parë mbi gjashtë peshkaqenë të mëdhenj me gjatësi deri në katër metra gjatë javëve para këtij udhëtimi”,- tha ai.
Siç bëhet e ditur, anija ishte përmbysur pasi litari i ankorimit ishte ngatërruar rreth helikës duke e kthyer atë prapa.
“E gjitha ndodhi brenda pak sekondash dhe më befasoi. Në këtë pikë, i kisha akoma të gjitha veshjet e zhytjes”.
Pavarësisht gjetjes së pajisjeve të sigurisë, situata e Love bëri një kthesë për keq.
“Në këtë fazë unë e gjeta veten dhe anijen në mëshirën e oqeanit – duke u zhvendosur në veri me baticën”,- shpjegoi ai.
Por fati i tij më i madh ishte se më pas një helikopter u shfaq, moment të cilin Love e përshkroi si “magjik”.
/Burimi: Daily Mail/Përshtati: Priza.al/
