Disa orë pasi presidenti amerikan Joe Biden u shpreh se beson se Vladimir Putin do të sulmojë Ukrainën, janë shfaqur pamjet e kapura nga sateliti, të cilat dëshmojnë pozicionin ushtarak të Rusisë e cila është vendosur brenda distancës goditëse të Ukrainës përpara një pushtimi të mundshëm.
Trupave ruse u është thënë se mund të jenë larg shtëpisë deri në “nëntë muaj” pasi u zhvendosën mijëra milje nga lindja e vendit në rajonin kufitar dhe u paralajmëruan të prisnin përfshirje në një konflikt në Ukrainë.
Imazhet satelitore të datës 19 janar tregojnë rreshta artilerie tankesh dhe pajisje mbështetëse të grumbulluara në bazën e Voronezh, rreth 330 km nga kufiri me Ukrainën dhe 125 kilometra nga kufiri me Bjellorusinë.
Imazhet e tjera tregojnë pajisje ushtarake të mbledhura në dy baza, Klintsky dhe Klimovo, që ndodhen vetëm 18 milje (30 km) nga kufiri i Bjellorusisë dhe jo më shumë se 31 milje (50 km) nga kufiri i Rusisë me Ukrainën.
Dhe, në një zhvillim të ri, Vladimir Putin njoftoi sot stërvitje të reja të mëdha detare që do të zhvillohen këtë muaj dhe në vijim në katër dete, duke përfshirë 140 anije luftarake dhe dhjetëra mijëra marinarë.
Lojërat e luftës do të zhvillohen në Atlantik, Paqësor, Arktik dhe Mesdhe duke përfshirë “më shumë se 140 anije luftarake dhe anije mbështetëse, më shumë se 60 avionë, 1,000 pajisje ushtarake dhe rreth 10,000 ushtarakë”, tha ministria ruse e mbrojtjes.
Rajoni ka qenë në teh të thikës që nga fundi i vitit të kaluar, kur Moska zhvendosi rreth 100,000 trupa, si dhe tanke dhe raketa, afër kufirit, por tensionet janë rritur ditët e fundit.
Videot treguan trena që mbanin raketahedhës të shumtë, automjete luftarake, kamionë komunikimi dhe kamionë transporti të përgjithshëm mbi kufirin rus drejt bazave bjelloruse në Gomel dhe Rechitsa, të cilat të dyja nën 37 milje (60 km) nga kufiri janë brenda distancës goditëse të Ukrainës.
Rusia dhe Bjellorusia kanë pretenduar se lëvizja e trupave dhe pajisjeve është e lidhur me stërvitjet e përbashkëta ushtarake të organizuara me ngut midis dy vendeve – por vëzhguesit e quajtën shpjegimin si një perde tymi për përgatitjet për një pushtim të Ukrainës që Perëndimi tani pret të ndodhë së shpejti.
Presidenti Biden tha dje se burri i fortë rus tani ‘duhet të bëjë diçka’, por se ai beson se Putini nuk dëshiron luftë të plotë – dhe paralajmëroi se Rusia do të paguajë një ‘çmim të shtrenjtë’ nëse Moska fillon një inkursion ushtarak.
Ndërkohë kryeministri i Mbretërisë së Bashkuar Boris Johnson paralajmëroi se do të ishte ‘një fatkeqësi për botën’ nëse Moska bën ‘çdo lloj inkursioni, në çfarëdo shkalle çfarëdo qoftë’ në Ukrainë.
Rajoni ka qenë në “teh të thikës” që nga fundi i vitit të kaluar, kur Moska zhvendosi deri në 100,000 trupa, si dhe tanke dhe raketa, afër kufirit, por tensionet janë rritur ditët e fundit pas një rritjeje të pajisjeve dhe raketave dhe lëvizjeve të trupave, mes tyre policore ushtarake, nga skaji lindor i vendit.
/Burimi: Daily Mail/ Përshtati: Priza.al/
