Forcat kryesore politike dhe kandidatët e tyre duket se “betejën” për 25 prillin e kanë shtrirë edhe në rrjete sociale.
Libraria e reklamave në Facebook në kuadër të politikës së transparencës ka bërë të ditur te gjitha sponsorizimet për reklamat politike, ku për Shqipërinë më 30 ditët e fundit janë harxhuar plot 123 mijë dollarë.
Nga Partia Demokratike kandidatët kryesore që kanë shpenzuar me shumë në rrjete sociale janë Agron Shehaj, kryetari Lulzim Basha, Belind Këllici dhe Lediana Fratari, që arrijnë një total prej 27 milionë lekësh.
Ndërkohë Partia Socialiste duket se ka ndjekur një strategji tjetër duke sponsorizuar nëpërmjet faqes së saj zyrtare me kosto deri në 15 milionë lekë.
Kandidatet që shihen më aktivë në rrjet nga kjo forcë janë Alqi Bllako, Arben Pëllumbi, Dallëndyshe Bici dhe Eduard Shalsi, që arrijnë një total prej 17 milionë lekësh.
Gjithashtu nga të dhënat e vrojtuara vihet re se janë shumë faqe të pavarura, që bëjnë propagandë për punët e qeverisë dhe kandidatëve të forcës së majtë politike, me një shifër që shkon deri në 30 mijë dollarë. LSI duket forca që e ka neglizhuar më shumë strategjinë në rrjete sociale, duke shpenzuar shifra minimale, ku bien në sy Kryetarja Kryemadhi me 3 mije dollarë.
Shpenzimet e ndara sipas qarqeve tregojnë se më shumë para janë hedhur për imazhin e kandidatëve në qarqet ku lufta është edhe më e fortë.
Kryeson Tirana me 58 mijë dollar e më pas Elbasani mbi 10 mijë dollar në Elbasan. E kështu më radhë. Më pak janë shpenzuar për garën elektorale në Gjirokastër dhe Kukës, ku praktikisht ndarja e mandateve është e qartë edhe pa u votuar.
Shpenzimet për fushatën në Facebook: Në 30 ditë, 123 mijë USD
Sponsorizime, kandidatët e PD
Agron Shehaj 10,118 USD
Lulzim Basha 9,168 USD
Belind Këlliçi 1,830 USD
Lediana Fratari 1,116 USD
Bardh Spahia 997 USD
Helidon Bushati 987 USD
Fatmir Mediu 862 USD
Alfred Rushaj 714 USD
Eduart Sharka 608 USD
Gazment Bardhi 469 USD
Sponsorizime, kandidatët e PS
Dallëndyshe Bici 4,053 USD
Eduard Shalsi 3,623 USD
Alqi Bllako 2,982 USD
Arben Pëllumbi 2,919 USD
Ilir Metaj 2,199 USD
Plarent Ndreca 770 USD
Etjen Xhafaj 567 USD
Bora Muzhaqi 547 USD
Damian Gjiknuri 463 USD
Ermonela Felaj 458 USD
Sponsorizime, kandidatët e LSI
Monika Kryemadhi 2,027 USD
Vojo Bregu 2,489 USD
Floida Kërpaçi 506 USD
Shpenzimet sipas qarqeve
Qarku Tiranë 58,091 USD
Qarku Elbasan 10,643 USD
Qarku Shkodër 9,153 USD
Qarku Durrës 9,078 USD
Qarku Fier 8,742 USD
Qarku Vlorë 6,896 USD
Qarku Korçë 6,364 USD
Qarku Berat 3,454 USD
Qarku Dibër 3,074 USD
Qarku Lezhë 2,802 USD
Qarku Gjirokastër 1,864 USD
Qarku Kukës 1,649 USD
/Burimi: TCH/
