Një grua 42-vjeçare u arrestua në Korenë e Jugut për një ngjarje të tmerrshme pasi trupat e dy fëmijëve të vegjël u zbuluan në valixhe në Zelandën e Re muajin e kaluar. Gruaja, një shtetase e Zelandës së Re e lindur në Korenë e Jugut, përballet me dy akuza për vrasje në Zelandën e Re, sipas policisë atje, e cila tha se do të kërkonte ekstradimin e saj. Ajo u arrestua në një rezidencë në qytetin juglindor të Ulsan në orën 1 të mëngjesit, tha policia në Korenë e Jugut.
Ky ishte zhvillimi i fundit në një hetim të frikshëm që filloi në Zelandën e Re muajin e kaluar, pasi mbetjet e fëmijëve u gjetën në dy valixhe që ishin blerë në një ankand online, së bashku me sende të tjera shtëpiake të padeklaruara nga një magazinim në Auckland. Personat që blenë sendet lajmëruan autoritetet pasi zbuluan trupat, për të cilët policia tha se mund të ishin në objektin e magazinimit për deri në katër vite, raporton nytimes.com.
Emrat e fëmijëve nuk u bënë me dije raportohet të ishin nga 5 deri në 10 vjeç, sipas policisë në Zelandën e Re, e cila nuk ka treguar se si kanë vdekur. Një gjykatë në Zelandën e Re ka shtypur emrat e tyre dhe të prindërve të tyre, për të mbrojtur privatësinë e familjes. Policia tha se gruaja e arrestuar të enjten besohet të jetë vetë nëna e fëmijëve.
Policia në Korenë e Jugut përdori të dhënat mjekësore dhe numrat e telefonit për të gjetur gruan, tha policia në Ulsan. Ajo u arrestua me një urdhër të lëshuar nga një gjykatë e Koresë së Jugut pasi policia e Zelandës së Re kërkoi arrestimin e saj sipas kushteve të një traktati ekstradimi. Policia e Ulsan tha se gruaja do të dërgohej në Seul dhe do t’i dorëzohej prokurorëve.
“Të kesh dikë në paraburgim jashtë shtetit brenda një periudhe kaq të shkurtër kohore ka qenë e gjitha për shkak të asistencës së autoriteteve koreane dhe koordinimit nga stafi ynë i Policisë së NZ-së në Interpol”, tha inspektori detektiv Tofilau Fa’amanuia Vaaelua, një zëdhënës për Zelandën e Re.
