Të jesh një prind i mirë është detyra më rëndësishme që një njeri ka në jetën e tij, edukimi dhe rritja e një fëmijë të shëndetshëm në të gjitha aspekteve nuk është aspak e lehtë, edhe prindërit edhe pse janë figura e idhullit tek fëmijët mesa duket gabojnë ndonjëherë gjatë prindërimit.
Më poshtë do të lexoni 10 gabimet që bëjnë prindërit, gabime këto që memoria e fëmijës i ruan shumë gjatë:
Mbajtja e fëmijës tuaj në një zonë të përhershme rehatie
Nuk është çudi që prindërit duan t’i mbajnë fëmijët e tyre të sigurt e komod. Prindërit shpesh marrin vendime që fëmija të qëndrojë i sigurt, edhe në situata kur ai duhet të përjetojë telashe në mënyrë që të vetëmbrohet. Duke bërë që fëmija juaj të jetë gjithmonë i mësuar në zonën e tij të rehatisë mund të rezultojë që kur të rritet të ketë frikë të marrë vendimet e veta apo të ndërmarrë rreziqe, të cilat mund të jenë të rëndësishme për karrierën e tij/saj më vonë në jetë.
- Nuk e mbani fjalën dhe premtimet e bëra
Fëmijët e vegjël e ndiejnë se duhet t’u përmbahen premtimeve që bëjnë. Ata gjithashtu presin që të tjerët të mbajnë premtimet e tyre. Por, ka situata, ku prindërit premtojnë shpërblime ose veprime për një fëmijë, por më pas nuk i mbajnë ato. Kjo mund të rezultojë në një fëmijë që mendon se nëna ose babai i tij/saj harron dhe nuk është korrekt.
Kjo mund të ndikojë tek besimi i ulët kur fëmija të rritet dhe tepk prirja e tij për t’u përqëndruar në kënaqësi të menjëhershme të sigurta krahasuar me shpërblime afatgjata.
- Nuk inkurajoni kuriozitetin tek fëmija juaj
Fëmijët janë të etur për të mësuar. Për një fëmijë, bota është një vend për t’u zbuluar dhe natyra në vetvete do të ngrejë shumë pyetje. Të parët që do të pyeten natyrshëm do të jenë prindërit. Por, për fat të keq, ndonjëherë, për shkak të rutinës ditore, përgjigjia e një pyetje si: “Pse bie shi?” mund të jetë, “Sepse kështu ndodh”.
Kjo lloj përgjigje mund të tingëllojë si një ndërprerje për kuriozitetin e një fëmije dhe mund t’i dekurajojë ata që të mos kënaqen me mendimin kritik. Më vonë në jetë, kjo mund të rezultojë në një të rritur që nuk është i interesuar tek shkenca dhe nuk do që të mësojë se si funksionojnë gjërat.
- Nuk i kërkoni falje fëmijës tuaj
Nëse jeni prind, me siguri keni pasur momente stresi dhe keni reaguar keq kundrejt fëmijëve tuaj në situata të caktuara. Në raste si këto, është e rëndësishme të kërkoni falje në një mënyrë të sinqertë. Merrni frymë thellë dhe flisni me fëmijën tuaj, duke i shpjeguar pse keni gabuar. Vendosni një shembull duke pranuar emocionet e tyre dhe duke u thënë që ju vjen keq.
Të mos e bësh këtë kur je qartë në gabim mund të japë një imazh të dikujt që nuk kujdeset për ndjenjat e njerëzve të tjerë ose që nuk i pranon gabimet. Kjo mund të rezultojë në një të rritur që injoron ndjenjat e të tjerëve dhe nuk do të kujdeset të rivendosë marrëdhënie kuptimplota.
- Ndrydhni emocionet e fëmijëve tuaj
Ajo që prindërit duhet të kuptojnë është se përdorimi i disiplinës për të siguruar sjelljen e mirë të fëmijëve është një gjë dhe ndrydhja e emocioneve të tyre është një gjë krejtësisht tjetër. Prindërit gjithashtu duhet të shmangin minimizimin e emocioneve të fëmijës së tyre duke thënë gjëra të tilla si: “Burrat nuk qajnë”, ose “Mos u bëj kaq dramatic/e” etj. Qortimi i emocioneve të një fëmije mund të shkaktojë që funksionet konjiktive të preken, si për shembull kujtesa. Në mënyrë që të rrisni një fëmijë të shëndetshëm sigurohuni që të kuptoni ndjenjat e tyre.
- Nuk pranoni mendimet e tyre
Disa prindër i japin fund çdo argumenti ose kërkese me “sepse kështu them unë “. Nuk do ta pranojnë mendimin e fëmijës së tyre në një çështje që i përfshin ata. Prindërit duhet të kujtojnë se duke u dhënë zë fëmijëve për të shprehur mendimet e tyre është një mënyrë që ata të ndihen të fuqishëm dhe përgjegjës për vendimet e tyre. Injorimi i kësaj mund të rezultojë në një të rritur që nuk shpreh veten dhe që ndihet sikur nuk ka asgjë të rëndësishme për të shtuar.
- I plotësoni çdo gjë fëmijës tuaj
Nëse fëmija juaj thotë se dëshiron një lodër dhe ia blini gjithmonë, ka të ngjarë që ai të llastohet. Duke i dhënë gjithçka që i vogli juaj dëshiron, mund t’u japë atyre mesazhin se gjërat vijnë lehtë dhe nuk kërkojnë punë për t’u fituar. Duke bërë këtë gabim, prindërit mund të rrisin një fëmijë që i merr gjërat si të mirëqena ose që nuk bën përpjekje për të fituar gjë vetë.
- Inkurajoni sjellje të papërshtatshme
Supozoni se ju, si prind, shihni fëmijën tuaj që tallet me një fëmijë tjetër. Çfarë do të bënit? Disa do të merrnin djalin / vajzën e tyre mënjanë dhe do t’i thoshin që të kërkonin falje sepse u treguan të këqinj. Të tjerët do të qeshnin dhe do të lejonin që situata të vazhdonte sikur fëmija thjesht do t’i kuptonte vetë gjërat.
E keqja për këtë gabim është se fëmija do ta kuptojë që prindi është dakord me atë lloj sjellje dhe do të vazhdonte ta përsëriste pasi veprimet e tij nuk u qortuan. Kjo mund të rezultojë në një fëmijë që bëhet i papërgjegjshëm ndaj veprimeve të tij / saj ose në përputhje me sjelljen e keqe të njerëzve të tjerë.
- Të kesh si përgjigje “jo” për gjithçka
Disa prindër mund të jenë tepër kufizues. Disa të tjerë mund të përfshijnë “jo” si një përgjigje për shumë prej pretendimeve të fëmijëve. Megjithëse është e rëndësishme të ndiqni rregullat dhe të keni sjellje të mirë, duke thënë “jo” për shumicën e ideve dhe dëshirave mund të reflektojë në një fëmijë që do të rritet ose do të ndihet i refuzuar emocionalisht, ose nuk u jep prindërve asnjë informacion për jetën e tij nga frikë nga refuzimi.
- Të jesh një shembull i keq për fëmijën tënd
Fëmijët do të mësojnë lehtësisht atë që u mësojnë të rriturit. Kjo vlen për gjërat që lidhen me të mësuarit aftësi të ndryshme, duke bërë vepra të mira apo të këqija. Nëse një prind është mësuar të ketë një qëndrim të keq ndaj njerëzve të tjerë, të sillet keq me të tjerët, ose të përdorë fjalë fyese, ka shumë mundësi që fëmijët e tyre të kuptojnë se kjo lloj sjellje është e pranueshme dhe do t’i imitojë ata. Për të mos u përballur me këtë lloj sjellje të keqe në të ardhmen, prindërit duhet të jenë një shembull për fëmijët e tyre.
