BRITANI E MADHE- Një gazetare e ITV News bëri një gafë gjatë transmetimit live në ditën e Krishtlindjeve, ndërkohë që Papa Françesku po jepte mesazhin në Vatikan.
Gazetarja e televizionit britanik, gabimisht njoftoi ‘vdekjen e Papa Françeskut’.
“Fjalimi festiv i Papës u fokusua në lutjet e tij që pandemia të marrë fund. Ai tha se vaksinat duhet të vihen në dispozicion të atyre që kanë më shumë nevojë”. “U njoftua për vdekjen e tij…”, tha gazetarja.
Megjithatë ajo e kuptoi shumë shpejt gabimin dhe kërkoi falje live.
“Më falni”, vijoi ajo.
Ky gabim u bë menjëherë virale në web, duke shkaktuar dhe nje valë reagimesh në internet.
/Priza.al/
