Gjykata italiane ka dënuar me 3 vjet e 8 muaj burg “zonjën e drogës” i cila ishte sipërmarrëse në Itali.
Shqiptarja ishte më së shumti e njohur për mbështetjen e saj të madhe ndaj partisë së Salvinit, Lega Nord. Ajo u arrestua nga policia italiane në fillim të dhjetorit të kaluar pasi u kap me 450 kilogramë hashash dhe marijuanë.
Jona Mullaraj u njoh vendimin e gjykatës ditën e sotme, kur përveç saj u dënuan edhe 3 persona të tjerë.
Më vonë avokati i shqiptares ka deklaruar se do ta ankimojë vendimin e gjykatës së Apelit.
Karabinierët e gjetën drogën në një garazh në Cesano Maderno në via de Medici, ku ishte marrë me qira dhe kontrata ishte nënshkruar nga një grua tjetër, sipas mediave italiane.
Pronari i magazinës është shprehur se gjatë kohës kur shqiptarja kryente aktivitetin, shkonte shpesh për të marrë çelësat.
Mësohet se, 36-vjeçarja është tradhtuar nga një prej bashkëpunëtorëve të saj. Mullaraj ka deklaruar se ajo nuk kishte lidhje me ngjarjen dhe akuzat që i janë drejtuar.
Shqiptarja ishte sipërmarrëse në fushën e ndërtimit dhe tejet aktive politikisht teksa në rrjete sociale postonte foto krah figurave politike, ku mes tyre është dhe kryetari i partisë Lega Nord, Mateo Salvini./Priza.al
