Kryetari i Grupit Parlamentar të Partisë Demokratike, Gazment Bardhi ka reaguar për herë të parë lidhur me akuzimin e SPAK për korrupsion ndaj Sali Berishës.
Teksa shprehet se është në mbështetje të Reformës në Drejtësi, Bardhi u shpreh se SPAK ka shkelur Kushtetutën me vendimin për kufizimin e lirisë së lëvizjes së Berishës, që sipas tij ishte i nxituar.
Bardhi deklaroi se kufizimi i lëvizjes së Sali Berishës pa autorizim të Kuvendit është shkelje e rëndë Kushtetuese dhe ngre pikëpyetje të forta mbi SPAK.
