Tre linja detare të sistemit të gazsjellësit Nord Stream kanë pësuar dëme “të paprecedentë” brenda një dite, ka thënë Nord Stream AG, operatori i rrjetit.
Autoriteti Detar i Suedisë tha se dy rrjedhje ishin gjetur në tubacionin Nord Stream 1.
Danimarka po kufizon gjithashtu transportin pasi u zbulua një tjetër rrjedhje në tubacionin e afërt Nord Stream 2.
Të dy tubacionet përmbanin gaz nën presion, por asnjëri prej tyre nuk po pomponte gaz në Evropë në kohën kur u gjetën rrjedhje.
Tubacionet kanë qenë në qendër të mosmarrëveshjes energjetike midis Evropës dhe Rusisë që nga fillimi i luftës në Ukrainë.
Nord Stream AG, operatori i rrjetit, ka thënë se është e pamundur të vlerësohet se kur do të rikthehet funksionimi i sistemit të rrjetit të gazit.
