Pep Guardiola nuk dëshiron që lojtarët e tij të Mançester Sitit t’i japin shumë respekt Bayernit në çerekfinalen e Ligës së Kampionëve.
City synon të kalojë gjysmëfinalen për të tretin vit radhazi dhe ta bëjë këtë duke eliminuar gjigantët e Bundesligës do të ishte një nga fitoret më mbresëlënëse në historinë e tyre në kompeticion.
Bayerni, natyrisht, ka histori shumë më të mëdha nga ky turne, por Blutë kanë një avantazh prej tre golave ndaj tyre dhe më shumë se kurrë kërkojnë ta kalojnë këtë fazë.
Guardiola nuk dëshiron që skuadra të humbasë vëmendjen për përparimin që ka bërë për klubin gjatë shtatë viteve të fundit, duke e bërë normë që ata të konkurrojnë në nivelet më të larta.
“Ne jemi të fokusuar në atë që duam të bëjmë, përpiqemi jo vetëm t’i kontrollojmë, por t’i përfundojmë punët, të kuptojmë lojën dhe faktin që jemi këtu në Mynih kundër një prej skuadrave më historike në këtë kompeticion,” tha ai.
“Ne kemi ardhur këtu për të luajtur një lojë futbolli, 11 v 11 dhe të përpiqemi të bëjmë më mirë se kundërshtari në këtë lojë. Nëse mendoni për atë që kemi bërë në të kaluarën, do të ishte një gabim i madh të mos e përfundojmë punën e nisur, për këtë kam disa ditë që flas me lojtarët.
