Gjermania ka shfaqur mbështetje për heqjen e masave të Bashkimit Europian kundër Kosovës, të vendosura para më shumë se një viti për shkak të situatës së sigurisë në veri të vendit.
Kjo mbështetje është konfirmuar nga Ambasada e Gjermanisë në Prishtinë, e cila ka theksuar se vendimi për heqjen e këtyre masave tani është në duar të shteteve anëtare të BE-së për të vendosur.
“Megjithatë, të gjitha vendet anëtare të BE-së duhet të binden se është krijuar klima e nevojshme e favorshme për të arritur konsensusin e kërkuar”, thuhet në përgjigjën e Ambasadës
Masat përfshinin pezullimin e grupimeve punuese për Marrëveshjen e Stabilizim Asociimit, mosftesën e Kosovës në takime të nivelit të lartë dhe pezullimin e vizitave bilaterale. Gjithashtu, u pezullua programimi i fondeve të parashikuara për Kosovën përmes Kornizës së Investimeve në Ballkanin Perëndimor dhe IPA 2024.
