Gjyqtarja Elsa Ulliri ka shpallur moskompetencën e Gjykatës për pesë të pandehur: Ferzilet Hajdëri, Adnand Toçila, Diana Dedja, Bashkim Salillari dhe Hanza Reka, të cilët kërkuan gjykim të zakonshëm.
Çështja e tyre do të kalojë në Gjykatën e Durrësit, që do të shqyrtojë akuzat për shpërdorim detyre.
Vangjush Dako, ish-kryebashkiak i Durrësit, mbetet i akuzuar për veprën penale të shpërdorimit të detyrës në dy raste. Njëra lidhet me ndërtimin e një pallati që u shemb gjatë tërmetit të 2019, dhe tjetra me një tender për ndërtimin e një shëtitoreje, që ka shkaktuar një dëm prej 18 milionë lekë për buxhetin e shtetit.
Dako u arrestua në qershor 2023, por u lirua në shkurt 2024 për shkak të vonesave në hetime nga SPAK.
