TIRANË– Gjykata e Apelit ka lënë në burg administratorin e firmës ‘Alba Exotic Fruit’, Bajron Gumenin, pasi dyshohet të jetë i përfshirë në trafikun e drogës. Avokati i tij është shprehur se do ta çojë çështjen në Prokurorinë e Durrësit. Baftjar Rusi ka kërkuar shfuqizim të masës së dhënë nga Gjykata.
Gumeni u vë në pranga më 13 korrik, pas kapjes së mbi 11 kilogramë kokainë në kontejnerin, ku kompania e Gumenit kishte porositur ngarkesë me banane. Gjatë këtij muaji janë kapur edhe 2 sasi të tjera kokaine në kontejnerët e kësaj kompanie.
Në kërkim është shpallur edhe pronari tjetër, Eduart Dauti, i cili është shprehur për mediat se ndodhej në Francë, por do kthehej në Shqipëri për të sqaruar çdo gjë.
/Priza.al/
