Gjykata Kushtetuese në një njoftim për meduat ka sqaruar vendimin e saj për kreun e Partisë Demokratike Sali Berisha. Në njoftim Gjykata Kushtetuese shprehet se vendimi i referohej masave të sigurisë “detyrim paraqiteje” dhe “ndalimi i daljes jashtë vendit”. Gjykata deklaron se masa aktuale “arrest në shtëpi” është rregjistruar me datë 18 nëntor dhe do të shqyrtohet në një senacë tjetër.
“Të nderuar kolegë,
Duke marrë shkas nga lajmet dhe opinionet në media dhe portale, në lidhje me vendimarrjen e djeshme të Gjykatës Kushtetuese, sqarojmë se vendimi i referohet masave të sigurisë“detyrim paraqitje” dhe “ndalim i daljes jashtë vendit”, dhe jo shqyrtimit të masës “arrest në shtëpi”.
Sikurse u deklarua dhe në Konferencën për shtyp të Kryetares Zaçaj, ju sqaroj se për sa i takon vlerësimit të masës së sigurisë “arrest në shtëpi”, kërkesa në lidhje me këtë masë është regjistruar në Gjykatë, në datën 18.11.2024, dhe do të jetë objekti një shqyrtimi tjetër gjyqësor sipas afateteve dhe rregullave të parashikuara në ligj”, thuhej në njoftim.
