Katër anëtarë të një grupi kriminal të trafikimit të emigrantëve në drejtim të Anglisë janë lënë në burg nga gjykatë angleze. Ata sillnin në mënyrë ilegale emigrantë nga shteti i Francës dhe Belgjikës.
Policia britanike zbuloi se 33 vjeçari Gul Wali Jabarkhel, përdorte berberin e tij si një pikëtakimi për të rekrutuar shoferët e kamionëve duke iu kërkuar atyre që të sillnin emigrantë në Britaninë e Madhe. 33 vjeçari Jabarkhel, i cili pretendonte se kishte lidhje me bandat shqiptare të trafikut të qenieve njerëzore i jepte një shoferi 2500 paund për çdo person që mund të sillte nga Franca ose Belgjika, bën të ditur në njoftimin e saj Agjencia britanike kundër krimit dhe emigracionit.
Shoferi i merrte paratë pasi kishte kryer punën. Shoferët nuk kalonin ilegalisht më shumë se 5 emigrantë në të njëjtën kohë për shkak të rrezikut të zbulimit. Kontrabanda zhvillohej tre herë në muaj. Por Jabarkhel së bashku me bashkëpunëtorin e tij, 47 vjeçarin Baz Mohammed Jabarkhil e braktisën aktivitetin kriminal duke u kthyer në Kabul në Afganistan. Ata iu rikthyen sërish punës së mëparshme duke tentuar të hyjnë sërish në Britaninë e Madhe duke përdorur shoferët e kamionëve që ishin përpjekur të rekrutonin më parë. Bashkëpunëtorët e tyre si 19 vjeçari Rehan Murudkar, dhe 28 vjeçari Mohammad Rafique paguan 10 mijë paund për dy shokët e tyre nga Afganistani që të hynin ilegalisht në Britaninë e Madhe, por ata ranë në prangat e policisë. Të katër personat u dënuan me burg në Gjykatën e Kingston Crown.
