Karabinierët italianë janë duke ekzekutuar 78 masa sigurie në rajone të ndryshme në dy operacione të përbashkëta kundër “Ndragheta-s”.
Karabinierët e grupit Gioia Tauri në Reggio Calabria kanë ekzekutuar 65 masa, nga të cilat 47 “arrest me burg”, 16 “arrest shtëpie” dhe 2 “detyrim paraqitjeje.”
Ndërsa karabinierët e Brescias, Ros of Brescia kanë ekzekutuar 13 masa, 12 “arrest me burg” dhe 1 “arrest shtëpie”.Bandat e goditura janë Belloccos e Rosarno, Spadas e Ostia dhe Lamari-Larosa-Pesces e Gioia Tauro.
Në Brescia, karabinierët së bashku me Guardia di Finanza sekuestruan biznese dhe pasuri të paluajtshme si dhe aksione të kompanive me vlerë rreth 5 milionë euro, shkruan Ansa.
Të dyshuarit akuzohen për pjesëmarrje në shoqatë mafioze, mbajtje dhe posedim të armëve të zakonshme dhe të luftës, zhvatje, fajde, dëmtim të rëndë me metodën mafioze, si dhe shoqatë me qëllim trafikun e drogës, pastrimin e parave dhe shoqata kriminale që synon krime tatimore dhe mashtrime në dëm të shtetit.
Në frontin e operacionit Reggio, karabinierët besojnë se kanë nxjerrë në dritë strukturat e reja të klanit Bellocco, në krye të “kompanisë Rosarno” me interesa në të gjithë territorin kombëtar dhe në vende të ndryshme të huaja.
Në fazën operacionale morën pjesë rreth 1000 karabinierë nga Reggio Calabria, të cilët u mbështetën nga helikopterët dhe njësitë e ndryshme territoriale.
