Grabitet nën kërcënimin e armës një furgon në Fushë Krujë. Ngjarja ka ndodhur mëngjesin e sotëm në rrethrrotullimin e Thumanës.
Tre persona të maskuar, me armë në duar, kanë ndaluar një mjet që transportonte mallra.
Pas njoftimit, policia ushtroi kontrolle dhe u vu në drejtim te mjetit, duke e gjetur të braktisur në një fshat të Kurbinit.
Krujë/Informacion paraprak
Më datë 30.06.2021, rreth orës 03:45, është paraqitur në ambientet e Policisë shtetasi F. B., 62 vjeç, banues në Tiranë, i cili deklaron se në Thumanë, tre persona ende të paidentifikuar duke e kërcënuar me sende të forta i kanë marrë furgonin e mallrave që transportonte banane.
Shërbimet e Policisë menjëherë pas marrjes së informacionit kanë orgaizuar punën ku gjatë krehjes së zonës kanë bërë të mundur gjetjen e mjetit në Kurbin.
Në ambientet e Policisë janë shoqëruar disa persona të cilët mund të kenë dijeni për ngjarjen si dhe janë sekuestruar pamjet filmike për zbardhjen e plotë të ngjarjes.
/Priza.al/
