Një shtetas me inicialet V.B. ka ndërruar jetë pasi mjeti bujqësor tip zetor që po drejtonte është përmbysur. Ngjarja ka ndodhur në fshatin Dumberas të Gramshit. 60-vjeçari ka humbur jetën në vendin e ngjarjes.
Njoftimi i policisë:
Në fshatin Dumberas, Gramsh, shtetasi V. B., rreth 60 vjeç, duke drejtuar automjetin bujqësor tip ‘Zetor’, ka humbur kontrollin mbi drejtimin e automjetit dhe për pasojë automjeti është përmbysur.
Drejtuesi i automjetit shtetasi V. B., ka ndërruar jetë në vendngjarje.
Grupi hetimor po punon për zbardhjen e shkakut të aksidentit.
