Një 53-vjeçar shqiptar është gjetur i pajetë në ishullin Kos të Greqisë, rreth një muaj pasi ishte deklaruar i zhdukur nga familjarët.
Mediat greke bëjnë me dije se familjarët kanë konfirmuar që trupi i pajetë i gjetur në zonën detare të Siros, i përket 53-vjeçarit shqiptar, Shkëlqim Hysi.
Mësohet se roja bregdetare e ka gjetur trupin në fazën e dekompozimit dhe me ndihmën e zhytësve ka bërë të mundur nxjerrjen e tij.
Familjarët që kishin shpallur të zhdukur 53-vjeçarin, konfirmuan identitetin pasi u morën në pyetje nga autoritetet greke, ndërsa hetimet dhe autopsia pritet të hedhin më shumë dritë mbi shkaqet e vdekjes.
