Exit poll-et e publikuara pas mbylljes së qendrave të votimit në Greqi, tregojnë një fitore të qartë dhe të gjerë të Demokracisë së Re ndaj SYRIZ.
Exit poll-i i përbashkët i miratuar nga të gjitha kompanitë e sondazheve dhe të gjitha stacionet televizive tregon se epërsia e partisë së Mitsotakis ndaj SYRIZA- s mund të arrijë në 11 pikë përqindje në zgjedhje.
Sipas exit poll-it të përbashkët, Demokracia e Re pritet të marrë nga 36% deri në 40%. SYRIZA po lëviz në nivele shumë më të ulëta nga 25% në 29% që me të dhënat e kësaj ore duket të jetë përqindja maksimale për partinë e Alexis Tsipras .
PASOK/Lëvizja për Ndryshim del si forcë e tretë me përqindje nga 9.5% në 12.5% ndërsa KKE pritet të mbledhë nga 6% në 8%.
