Këshilli i Lartë i Prokurorisë ka hapur procedurat për Kreun e ri të Prokurorisë së Posaçme kundër Korrupsionit dhe Krimit të Organizuar (SPAK).
Me anë të një njoftimi zyrtar për mediat, KLP thekson se të gjithë prokurorët e interesuar për të kandiduar, duhet të paraqesin një platformë kandidimi.
Ndërkohë, drejtuesi aktual i SPAK, Arben Kraja lë detyrën më 19 dhjetor.
Ndërkohë kushtet që duhen plotësuar janë:
Eksperiencën në ndjekjen e çështjeve sensitive të korrupsionit dhe krimit të organizuar;
Eksperiencën dhe aftësitë në organizimin dhe drejtimin e një strukture;
Eksperiencën në hartimin e miratimin e rregulloreve administrative;
Eksperiencën në çështje të cilat kanë marrë vëmendje të lartë publike, dhe ndërveprim me median;
Aftësitë në drejtimin efektiv të burimeve njerëzore;
Vizionin ose planin e besueshëm për organizimin e Prokurorisë së Posaçme si një institucion funksional dhe efektiv;
Imazhin publik të karrierës së tij/saj si prokuror;
Sipas njoftimit të KLP-së, kandidatët e interesuar duhet të paraqesin dokumentacionin dhe platformën deri më datë 2 nëntor 2022, ora 24:00.
