Automjeti i kandidatit të Partisë Socialiste për Bashkinë e Hasit, Beqir Mulaj është përfshirë nga flakët në orët e para të mëngjesit të sotëm.
Ngjarja u regjistrua në aksin rrugor “Krume-Golaj”, pasi në garazhin ku ndodhet automjeti, ra zjarr. Grupi hetimor vijon veprimet hetimore, me qëllim përcaktimin e shkakut të rënies së zjarrit.
Njoftimi i policisë:
Has/Informacion paraprak
Rreth orës 00:04, salla operative e Komisariatit të Policisë Has është njoftuar se ka rënë zjarr në garazhin në pronësi të shtetasit B. M., në aksin rrugor “Krume-Golaj”.
Shërbimet e Policisë dhe ato zjarrfikëse kanë shkuar menjëherë në vendngjarje, ku është bërë i mundur neutralizimi i flakëve, me qëllim mospërhapjen e zjarrit.
Si pasojë e flakëve, është djegur plotësisht automjeti në pronësi të shtetasit B. M.
Grupi hetimor, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Kukës, vijon veprimet hetimore, me qëllim përcaktimin e shkakut të rënies së zjarrit.
