Pasi marrëveshja Kosovë-Serbi për reciprocitetin e targave ka nisur të zbatohet, ka reaguar ushtruesi i detyrës së ambasadorit të SHBA-së në Kosovë, Nicholas J. Giacobbe, i cili thotë se të dyja vendet kanë bërë progres në zgjidhjen e këtij tensioni të nisur prej 13 ditësh.
Përmes Twitter-it, Giacobbe ka deklaruar se forcat e KFOR-it në pika kufitare janë aty përkohësisht dhe se presim që brenda 2 javësh funksionimi i kufirit të kthehet në normalitet. Tashmë siç nënvizon Giacobbe, është koha që të ecet përpara dhe të ketë riangashim të përkushtuar në dialogun mes Kosovës e Serbisë.
“Progres i mirë nga Kosova dhe Serbia që po implementojnë në kufi marrëveshjen e ndërmjetësuar nga BE-ja. Prezenca e KFOR-it është e përkohshme, për dy javë ne presim që funksionimi i kufirit të kthehet në normalitet. Koha që të ecet përpara dhe të ketë riangazhim të përkushtuar në dialog”, thuhet në reagim.
Good progress by Kosovo & Serbia implementing the EU-brokered agreement at the border. @NATO_KFOR’s presence is temporary, in two weeks we expect border operations to return to normal. Time to build upon this momentum and reengage earnestly in the Dialogue.
— Chargé d'Affaires Nicholas J. Giacobbe, Jr (@USAmbKosovo) October 2, 2021
Tashmë të gjitha forcat policore janë larguar nga pjesa veriore e Kosovës pas 13 ditësh qëndrimi. Njësitë speciale ishin vendosur aty të hënën e 20 shtatorit, pas vendimit të qeverisë për reciprocitet me targat e automjeteve të Serbisë.
/Priza.al/
