Sot në orën 13:30 UEFA hodhi shortin në Nion të Zvicrës, ndërsa 68 skuadrat që marrin pjesë në këtë tur, janë ndarë në 8 grupe.
Tetë skuadrat shqiptare kanë mësuar kundërshtarët për raundin e parë në Ligën e Konferencës. Laçi është vendosur përballë malazezëve të Pogdoricës.
Ndeshjen e parë kurbinasit do e luajnë në shtëpi më 8 korrik, ndërsa e kthimit do të zhvillohet një javë në vonë.
Partizani ka ‘peshkuar’ skuadrën moldave të Sfintul Geroge, me ndeshjen e parë që do të zhvillohet jashtë, ndërsa e kthimit në Shqipëri.
Vllaznia pas 10 viteve jashtë Europe, rikthehet të luajë dhe kundërshtar në turin e parë do të ketë boshnjakët e Shiroki Brijeg. Sfida e parë luhet në transfertë, ndërsa e kthimit në “Loro Boriçi”.
Goglat kanë rezervuar edhe dy derbi shqiptarësh. Shkupi sfidon Llapin, ndërsa Deçiç dhe Drita përballen mes tyre. Ndërkohë Struga sfion letonezët e Liepaja.
SHORTI:
Laçi-Podgorica
Shkupi-Llapi
Sfintul George-Partizani
Deçiç-Drita
Shiroki Brijeg-Vllaznia
Struga- Liepaja (Letoni)
NDARJA E UEFAS
/Priza.al/
