Pasditen e sotme është hedhur shorti i gjysmëfinaleve të Kupës së Mbretit që rezervoi një finale të parakohshme mes Barcelonës dhe Real Madridit.
Osasuna mundi Sevillan në çerekfinale dhe do të përballet në shtëpi ndaj Athletic Club në ndeshjen e parë të gjysmëfinaleve. Los Leones mposhtën Valencian 3-1 dhe po kërkojnë të arrijnë një finale të tretë në katër vjet.
Kryefjala pa dyshim do të jetë Real Madrid, i cili përballet me Barcelonën në dy ndeshje. Ndeshja e parë do të zhvillohet në Santiago Bernabeu. Aktualisht bilanci është i barabartë, ku të dy kanë fituar 3-1 në dy ndeshjet e para.
Ndeshjet e para do të zhvillohen më 28 shkurt, 1 mars ose 2 mars, ndërsa ndeshjet e kthimit do të zhvillohen më shumë se një muaj më vonë, më 4, 5 ose 6 prill, për shkak të përfshirjes së Real Madridit në Kupën e Botës për Klube.
