Kupa e Shqipërisë do të ngrejë siparin në datën 22 shtator me turin e parë eliminator, teksa është hedhur dhe shorti duke caktuar përballjet për të gjitha skuadrat.
Kampionia në fuqi, Teuta do të ndeshet me fituese e ndeshjes Sopoti-Luzi, ndërsa fituesja e Kupës sezonin e kaluar, Vllaznia do të përballet me çiftin fitues Labëria-Devolli. Partizani do të ndeshet me Tërbunin, ndërsa Tirana me Shkumbinin.
Skënderbeu ka ‘peshkuar’ Veleçikun, ndërsa Laçi do të përballet me Butrintin dhe Kukësi me Maliqin. Turi i dytë eliminator do të luhet në datat 3 dhe 17 nëntor me sistem vajtje-ardhje.
Faza e tretë eliminatore do të luhet në datën 26 janar dhe 9 shkurt, turi i katërt eliminator në datën 30 mars dhe 14 prill, ndërsa finalja e madhe në datën 31 maj të 2022.
/Priza.al/
