Aktorja spanjolle Ana Obregon është bërë nënë për herë të parë në moshën 68-vjeçare, nëpërmjet një nëne surrogato. Historia e saj ka shkaktuar debate të forta publike në Spanjë, ku kjo praktikë është e ndaluar.
Artistja 68-vjeçare shpjegoi se vogëlushja e lindur më 20 mars është “mbesa” e saj biologjike, pasi ajo u ngjiz nga sperma e ngrirë e djalit të saj Aless Lequio, i cili ndërroi jetë në vitin 2020 nga kanceri.
“Ligjërisht ajo është vajza ime dhe kështu shënohet në pasaportën e saj. Do ta regjistroj në Konsullatën Spanjolle dhe kështu do të mund ta çoj në shtëpi”, tha aktorja në një intervistë për revistën ¡Hola!.
Aktorja thotë se ishte “vullneti i fundit” i Aless për të ngjizur një fëmijë të saj.
“Unë mora vendimin për të filluar procesin e zëvendësimit, i cili siç e dini përfshin një dhurues veze dhe një grua shtatzënë, pikërisht ditën që ai u ngrit në qiell”,- tha ajo.
Obregón më pas siguroi se e gjithë procedura e ndjekur për të arritur lindjen e fëmijës është “e ligjshme” dhe se, edhe nëse ajo do të kujdeset kryesisht për të, nuk planifikon t’i fshehë asaj identitetin e babait biologjik në të ardhmen.
“Unë do t’i them asaj, ‘Babai juaj është në parajsë dhe ai donte që ju të vini në jetën time”,- shprehet aktorja.
