Zbardhen detaje të reja të tmerrshme për krimin e rëndë të ndodhur 15 ditë më parë në qytetin serb të Zrenjaninit, kur një 46-vjeçare vrau burrin e saj, e preu me sharrë elektrike dhe më pas e kishte gatuar.
Mediat e huaja bëjnë me dije se viktima ka qenë katër vite më i vogël se autorja e cila tashmë ndodhet pas hekurave për krimin e rëndë.
E përditshmja beogradase Blic publikoi informacione rreth krimit, deri në detajet se si një grua e imët arriti të vriste një burrë të madh dhe të fortë, ta priste dhe më pas t’i gatuante organet. Veshkat, zemra, organet gjenitale, madje edhe të gjithë këmba e viktimës.
Motivet e krimit janë duke u hetuar nga autoritetet. Ish-bashkëshorti i 46-vjeçares vlerëson se reagimi i saj i dhunshëm është ndoshta për faktin se viktima nuk donte në shtëpi dy fëmijët e saj, nga martesa e pare.
