Në prag të miqësores së sotme ndaj Armenisë e cila luhet në “Air Albania”, ora 17:30, Elseid Hysaj ka qenë i pranishëm në konferencën për shtyp të kombëtares, i cili u shpreh se:
“Ka qenë një vit i vështirë, na duhet një fitore për mbylljen e këtij viti”.
Lojtarët e rinj në Kombëtare – “Kam takuar djemtë e rinj që kanë ardhur në Kombëtare. Janë të sjellshëm, të edukuar, janë me kualitet edhe ndaj Italisë e treguan, gjatë kësaj ndeshjeje do ta tregojnë veten për të fituar vendin në skuadër”.
Grup – “Do të ishte mirë të ishim të gjithë si grup dhe jo të dëmtuar. E kemi pasur ëndërr të luanim në Kombëtare, falënderoj tifozët që ishin dhe na mbështetën ndaj Italisë. Duhet të jemi grup. Individ është dhe Messi, por nuk ka arritur ende të fitojë Botërorin me Argjentinën”.
Objektivi fitore – “Nuk ndryshon objektivi, ashtu si ndaj Italisë është dhe ndaj Armenisë, duhet të japim maksimumin që të arrihet fitorja. Detyra e lojtarëve është të japin maksimumin për tifozerinë dhe anasjelltas”, përfundoi Hysaj.
