Udhëheqësi i burgosur i opozitës ruse, Aleksei Navalny, fitoi Çmimin Sakharov për Lirinë e Mendimit. Çmimi vjetor i Parlamentit Evropian iu akordua atij për ekspozimin e korrupsionit në Rusi nga ana e tij dhe të përpjekjeve për frenimin e lirive në këtë vend.
Navalny ishte në listë të ngushtë me një grup të grave afgane dhe me një politikan opozitar të Bolivisë. Navalny, një nga kritikët më të mëdhenj të presidentit rus, Vladimir Putin, është burgosur në një aeroport të Moskës në janar.
Bashkimi Evropian ka vendosur sanksione ndaj zyrtarëve rusë për helmimin dhe burgosjen e tij. Ai është dënuar me 2 vjet e gjysmë burgim. Ai ka thënë se akuzat kundër tij janë të motivuara politikisht.
Vitin e kaluar, Çmimi Sakharov i është dhënë opozitës demokratike të Bjellorusisë, e cila ka organizuar disa protesta kundër udhëheqësit autoritar bjellorus, Alyaksandr Lukashenka. Fituesit e mëparshëm të këtij çmimi përfshijnë: ish-presidentin e Afrikës së Jugut, Nelson Mandela, opozitën demokratike të Venezuelës dhe aktivisten pakistaneze të arsimit, Malala Yousafzai.
/Priza.al/
